Mae ein Gwasanaethau yn esblygu

Derbyniodd ein Bwrdd y cynigion hyn ym mis Gorffennaf a rhoi’r golau gwyrdd i gyflwyno’r cynnig estynedig o fis Medi.

Gall pethau edrych ychydig yn wahanol ond byddwn yn parhau i sicrhau fod yr hyn a ddarparwn yn diwallu eich anghenion.

Rydym wedi llunio’r briffiad gweledol hwn i’ch helpu i ddeall y newidiadau hyn.

Fel rhan o’n hymagwedd newydd, byddwn hefyd yn rhoi mwy o gyfleoedd i chi gwrdd wyneb yn wyneb gyda chydweithwyr o bob rhan o’r sector. Ynghyd â hyn, byddwn yn darparu gofodau ar-lein hyblyg ar gyfer trafodaeth drwy gydol y flwyddyn, sesiynau ar-lein wedi eu targedu i gynyddu eich gwybodaeth a gweithgaredd Gorchwyl a Gorffen clir.

Bydd hefyd gynnig pwrpasol i aelodau Bwrdd ac adnoddau ar-lein ar feysydd allweddol ar gael drwy ein gwefan.

Mae’r twf o Grwpiau Cyflenwi Strategol i Gymunedau Aelodau yn rhan fawr o’r cynnig. Bydd y Cymunedau Aelodau yn symud ymaith o’r fformat ar-lein, gan yn lle hynny gwrdd wyneb yn wyneb ddwywaith y flwyddyn, gan roi gofod i aelodau ar gyfer trafod ac, yn bwysig, wylio’r gorwel.

Caiff y cyfarfodydd hyn eu hymestyn ar draws y flwyddyn, felly efallai na fydd rhai o’r cymunedau yn cwrdd am dipyn. I bontio’r bwlch hwnnw, byddwn yn darparu cynnwys ar-lein sy’n berthnasol i’r Cymunedau Aelodau. Bydd hyn yn cefnogi eich gwaith ac yn eich cysylltu gyda’r bobl a’r wybodaeth gywir.